the biggest trash of all

pucha ha mujh se aaj k kahun kuch apne bare ma
ab kaise karaon aaj ta'arruf kuch apne bare ma

be naam o nishaan hun ma, koi khaas wujud nahi mera
bas sab ki yaadon ma muskurahat jaisa wujud hai mera

samandar ki gehrai ma pani ka eik qatra hun ma
sehra ki zameen ma rait ka eik zar'ra hun ma

kaun hun ma, kya hun, ma khud ko nahi janti
jaanna to duur ki bat, ma khud ko nahi pehchanti

dekha hai khud ko hamesha dunya ki nazron se
bhul gai hun khud ko dekhna khud ki nazron se

yaad hai to bs sirf itna keh dil jeetna hai sab ka
chahe dena ho tohfa mujhe bas eik choti si muskurahat ka

chahti hun samait lun dunya k sab dukh apne andar
chahti hun luta dun dunya ma khushi k sab manzar

kho gai hun is dunya ma pr jane kab koi rah mile gi
jeeti hun is dunya ma pr jane kb ye pehchaan mile gi

keh insaan hun ma koi gum naam khilona nahi
keh larki hun ma KHUDA ki kamzor takhleeq nahi

pr ab to adat hai mujh ko apni yadon ma rehne ki
ab khuwahish nahi hai mujh ko apni koi pehchaan banane ki

khush rahain, aabaad rahain, ye dua hai ab bas meri
apne hain ye koi paraye nahi, duaon ma shamil hain sab meri